لأ بطعم الفلامنكو

الكتاب ده عن التغيير.. عن خطواته.. وعن تمنه..
عن احتياجاتك.. ومخاوفك.. وحقوقك النفسية..
عن قراراتك اللى أخدتها زمان.. وقراراتك اللى هاتخدها دلوقت..

الكتاب ده هاينقلك بهدوء وثقة.. من مرحلة (الحبو) خارج النص..
و(المشي) فوق أشواك العلاقات الخطرة وتجاوزها..
إلى الضرب على الأرض بشكل إيقاعى متتابع ومبهر..

وكأنك راقص فلامينكو محترف..
يرقص فوق آلامه.. ويزلزل القلوب أمام عينيه..
يعلن عن نفسه فى وجه العالم.. مع كل دبدبة عالية مدوية من قدميه..
يرفع عنقه نحو السماء.. ويغرس بذور وجوده الجديد فى أعماق الأرض..